Сыртқы істер министрлігі шұғыл мәлімдеме жасады

06 сәуір, 15:58

Фото: inform.kz

Сыртқы істер министрлігі Таяу Шығыстағы негізгі серіктестерінің бірі болып табылатын Иордан Хашимит Корольдігінде орын алған оқиғаны мұқият бақылауда, деп хабарлады министрліктің ресми сайты.

Нұр-Сұлтан, NEGE. Қазақстан Король Абдалла II Иордания халқының әл-ауқатын жақсартуға, аймақтық тұрақтылық пен әлемдік қауіпсіздікті қамтамасыз етуге бағытталған саясатын қуаттайды. Қазақстан Иордания басшылығының ішкі саяси тұрақтылықты сақтау жолында қабылдаған шараларын толық қолдайды. Осыған дейін Иордания қауіпсіздік қызметі қауіпсіздік мақсатында бірнеше жоғары лауазымды тұлғаны қамауға алғанын хабарлаған болатынбыз. Айта кетейік, 2017 жылы қарашада Король Абдалла ІІ ядролық қарусыз әлем және жаһандық қауіпсіздік атты алғашқы Назарбаев сыйлығымен марапатталды.

ҰҚСАС ЖАЗБАЛАР
Яндекс рекомендации