Еліміздегі ең көп таралған айлық – 58 мың теңге

26 ақпан, 18:30

Фото: 24.kz

Қазақстандықтардың басым бөлігінің жалақысы 112 мыңнан төмен болса, ең көп таралған айлық көлемі бар-жоғы – 58 мың теңге, деп хабарлайды kursiv.kz ҚР статистика агенттігіне сілтеме жасап.

Алматы. NEGE. Жақында ҚР Статистика комитеті 2019 жылдағы медиандық  және модалді жалақы бойынша мәліметтерді жариялады. Бұл мәліметтерге сәйкес, жұмысқа орналасқан қазақстандықтардың жартысы (3,3 млн.) 112,2 мың теңгеден аз жалақы алады. Медиандық жалақы дегеніміз  – жұмыскерлердің 50 пайызынан көбі алатын айлық ақы көлемі. 

Бір жылда медиандық жалақы 5,6 пайызға өскен, яғни, 5,9 мың теңге қосылыпты. Ал инфляция деңгейі былтыр 5,4 пайызды құрады. Бұдан шығатын қорытынды: қазақстандықтардың тең жартысының тұтынушылық қабілеті 2018 жылғы деңгейде қалған. Бұл реттте шағын кәсіпкерлік саласында жұмыс істейтіндердің жалақысы есептелмегенін ескерген жөн. Олардікін санайтын болса, бұдан да төмен көрсеткіш қалыптасуы ықтимал еді. 

Айта кетейік, 2019 жылдың соңғы тоқсанындағы орташа жалақы көлемі 203,9 мың теңгені құраған. Бұл медиандық жалақы көлемінен  2 есе жоғары екенін байқауға болады. Орташа жалақы мен медиандық жалақыдағы айырмашылық үлкен болған сайын, жалақыдағы теңсіздік те жоғары болмақ. 

ҰҚСАС ЖАЗБАЛАР
Яндекс рекомендации