Назарбаев: Біреудің Қазақстаннан басқа елге көшкенін естігенде мені уайым басады

11 қараша, 16:28

Фото: ғаламтордан

Егер өз елімізде жақсы жағдай жасай алсақ, онда елден кетіп қалудың қажеті қанша, деді Қазақстанның Тұңғыш Президенті-Елбасы Нұрсұлтан Назарбаев бүгін ҚХА Кеңесі отырысында.

Алматы, NEGE. – Біреудің Қазақстаннан басқа елге көшкенін естіген сәттерде мені уайым басады. Көшудің қажеті қанша? Олар барған жердегіден де жақсы жағдайды өз елімізде жасай аламыз. Сол үшін жергілікті әкімдер өте мұқият болуы тиіс. Неге көрші елдің ЖОО-ларына кетіп жатыр? Ендеше біздің ЖОО-ларды олардыкінен жақсы ету керек, – деді Нұрсұлтан Назарбаев.

Оның сөзінше, қазір бүкіл әлемде бір жағынан жұмыссыздық белең алды, екінші жағынан іс істейтін жұмыс орындары жетіспей жатыр.

Егер қазақстандықтар дұрыс пайдалана білсе, Қазақстанның көпұлттығы біздің күшіміз һәм байлығымыз, деп қосты ол.

ҰҚСАС ЖАЗБАЛАР
Яндекс рекомендации