Екпені 67 жастағы Сапарбаевқа салуға неге рұқсат берілді?

28 қаңтар, 10:22

Фото: ғаламтордан

Вице-министр Марат Шоранов Жамбыл облысының әкімі Бердібек Сапарбаевқа коронавирусқа қарсы QazCovid-in – қазақстандық вакцинасын салуға неге рұқсат берілгендігін түсіндірді.

Алматы, NEGE. Денсаулық сақтау министрлігі бұған дейін вакцинаның тиімділігі мен қауіпсіздігі туралы мәліметтердің болмауына байланысты 18 жасқа дейінгі балалар мен 65 жастан асқан егде жастағы адамдарға вакцинаның қарсы көрсетілімі бар екенін айтты.

Жамбыл облысының әкімі қазір 67 жаста. Өткен аптада ғана біз Жамбыл облысында болдық. Жамбыл облысының әкімі өзін керемет, өте көңілді, бойында күш-қуаты толы секілді сезінеді. Өз міндеттерін қалтқысыз жүзеге асыруда. Біздің рұқсат бергенімізге келер болсақ, бұл жерде клиникалық сынақтың демеушісі вакцина жасаушы компания екенін дұрыс түсінуіміз керек. Денсаулық сақтау министрлігі вакцина көрсеткіштерін анықтамайды, сонымен бірге еріктілерді тарту кезінде, өз келісімі бойынша тиісті құжаттарды толтыру кезінде адамдар ерікті вакцинацияға және зерттеуге қатыса алады. Жалпы алғанда, зерттеуге біз ұсынған адамдар қосыла алады, – деді ол брифинг барысында.

Шоранов атап өткендей, жас шектеулерін қайта қарауға болады, өйткені клиникалық зерттеулердің барысы туралы сонда көбірек ақпарат алынады. 28 желтоқсанда Жамбыл облысының әкіміне Ковид-19-ға қарсы қазақстандық вакцина салынғаны белгілі болды.

ҰҚСАС ЖАЗБАЛАР
Яндекс рекомендации