Медиа

24.05.20 Қазақстандықтар вакцина жасады | #13 ШОЛУnews video

Коронавирусқа қарсы вакцина сынақтан өткізіле бастады Қазақстандықтар коронавирус вакцинасын ойлап табуы мүмкін. Ел ғалымдары Covid-19 пандемиясына қарсы вакцинаны сынақтан өткізуді бастады. Дүйсенбідегі ақпараттар легінің өзектісі осы. Қазақстан ресми түрде COVID-19 вирусына қарсы вакцина әзірлеуші елдер қатарына қосылды. Дүниежүзілік денсаулық сақтау ұйымы қазақстандық ғалымдардың әзірлемесін тіркеуге алды. Өзіңіз ойлаңызшы сынақ сәтті өтсе Қазақстанның жұлдызы жанғалы тұр. Бір кездері Абай Бегейдің «Ай мүсін» әнін сынаған талай қоғам қайраткері сол әнді айтып, бейнебаянға түскен еді. Егер біздің ғалымдардың вакцинасы COVID-19-ға төтеп берсе, кешегі Марат Омаровтың вирус болған «Коронавирус кет, кет» әнін қайраткерлер тағы шырқамасына кім кепіл?! Осы және өзге де қызықты тақырып дүйсенбіде тәуір жазылды, оқылды, талқыға түсті. Димаштың әні алтын сертификатқа ие болды Ән демекші, Димашымыздың коронавирусқа қарсы күреске арналған әні алтын сертификатқа ие болды. Димаштың таланты мен еңбекқорлығын ешкім жоққа шығара алмас. Отандасымыздың әр жетістігін сайтымыз мейлінше насихаттап, көрермен, тыңдарманнан сүйінші сұрайды. Расымен де Димаш салған ән жанға рахат сыйлайды емес пе?! Мәдениет айдарынан толығырақ оқи аласыз. Айтпақшы, Димаштың қай әнін сүйіп тыңдайсыз, оны коментке жазып қалдырыңыз. Карантиндік шаралар күзде де қабылдануы мүмкін Карантиндік шаралар күзде де қабылдануы мүмкін деген сыбыс желіні желдей кезіп жүр. Мамандар не дейді? Шынымен де молшылық пен берекеге толы кезеңде тағы карантинге кезігеміз бе? Сайтымызда аталған мәселе көтерілді. ҚР Денсаулық сақтау вице-министрі Людмила Бюрабекова мұны растап отыр. «Алайда күзде қабылданатын шаралар жағдайға қарай іске асырылады, яғни сол кездегі назарға алынады», дейді Бюрабекова ханым. Сәрсенбінің сәтіндегі ақпар осы. Айтпақшы, осы күні Ақорда Кремльді орнына қойды. Осы тақырыпта тілшіміз сауатты һәм салмақты сараптама жазған-ды. «Бас тақырыпты» түртіп қалсаңыз болғаны, алдыңыздан шыға келеді. COVID-19 жұқтырғандар саны күрт артты Бейсенбіде жаһандық һәм отандық БАҚ «соңғы тәулікте вирус жұқтырғандар күрт көбейді» деп дабыл қақты. Статистика бойынша бір күнде 106 мың адамнан қауіпті вирус анықталған. Дәл осы күні Қазақстанда індетке шалдыққандар 7 мыңнан асты. Ал, әлемде 5 миллионнан. Nege.kz пардемияға қатысты маңызды ақпаратты назардан тыс қалдырмайды. Сондықтан сайтқа жиі кіріп, әлеуметтік желідегі ресми парақшаларға тіркелуді ұмытпаңыз. 1 маусымда базарлар іске қосылады Елімізде ТЖ алынып тасталса да, карантин режимі қалыпты. Жұрттың бір бөлігі екеуін ажырата алмай базарлап кеткені бар. Алайда бәрі жабық. Сонымен Алматыда базарлар 1-маусымнан бастап жұмыс істейтін болды. Қанша жерден карантин келіп, төтенше жағдайдан үй, көше, қала, базар жыбылып жатса да ажарыңыз ашық болсын. Келер аптаға дейін аман болайық! Құдай берген Арманымыз орындалсын!

17.05.20 Табыс салығы азайды | #12 ШОЛУ news video

Жоғары айлық алатындардың табыс салығы көбейеді Дүйсенбіде көп талқыға түскен тақырып – табыс салығы. Мемлекет басшысы Қасым-Жомарт Тоқаев Қазақстанда табыс салығы айлығы аз азаматтарда азайып, айлығы жоғары азаматтарға көбейетінін мәлімдеді. Бұл жөнінде сайтымыз бірнеше сараптама мен сұхбат жариялады. Оны экономика және мінбер айдарынан табасыз. Мұхтар Әблязов журналистке сес көрсетті Журналист Асқар Жалдинов Фейсбуктегі парақшасында Мұхтар Әблязов туралы пост жазған. Жалдиновтың жазбасына Әблязов шамданып қалды. Мәселенің төркіні Әблязов Қазақстаннан алып кеткен 10 млрд доллар. Журналистің бұл жазбасы желіде түрлі пікір тудырды. Жалдиновты жақтағандар да, Әблязовты мақтағандар да бар. Тіпті, Парижден Мұхтар Әблязовтың өзі де пікір білдіріп, журналисті «болтун», «нұрбот», «нұрзомби», «нұрврун» деп балағаттады. Сондай-ақ, «Есіңізде болсын! Мен бұл жазбаның көшірмесін жасап алдым. Жуық арада осы үшін жауап беруге тура келеді» деп сес көрсетті. Әблязовты не ашуландырғанын білгіңіз келсе сайтымыздағы «Мұхтар Әблязов журналистке сес көрсетті» атты мақаланы оқыңыз. Тұрғын үй құрылыс жинақ банкі «5-10-20» пилот жобасын іске қосады Президент Қасым-Жомарт Тоқаевтың 2020 жылдың 11 мамырында берген тапсырмасы аясында Тұрғын үй құрылыс жинақ банкі «Нұрлы жер» бағдарламасының жаңа бағытын әзірлеуді бастап кетті. Жаңа пилот жоба 5-10-20 шарты бойынша тұрғын үй сатып алу үшін азаматтарды несиелендіруді қарастырады: – несие мөлшерлемесі 5%; – бастапқы жарна 10%-дан бастап; – несиелендіру мерзімі – 20 жылға дейін. «5-10-20» пилот жобасына тұрғын үйге мұқтаж ретінде жергілікті атқарушы органдарда есепте тұрған азаматтар қатыса алады. Тілшіміз үйді кімдер және қалай ала алады деген сауалды негізге алып сараптама жазған. Ол экономика айдарында. Министрлік «Азия Авто» кәсіпорнымен келісімді НЕГЕ бұзды? Елімізді ғана емес, әлемді шарпыған індет қаржыны тиімді жұмсау керектігін ескертті. Тіпті, кейбір алапауыт кәсіпорын басшылары жеке қалтасын қампайтып жатса да, үкіметтің субсидиясын алуға келгенде тайсалмады. Соның бірі – «Азия Авто» АҚ. Құрылғанына 28 жыл болған компания 4 жылда 52 млрд теңге шамасында субсидия алып, құн салығы мен кедендік төлемнен босатылып келген. Алайда, компания мемлекет алдындағы кейбір міндеттерді орындауға құлықсыздық танытқан. «Министрлік «Азия Авто» кәсіпорнымен келісімді НЕГЕ бұзды?» атты мақалада бұл тақырып кеңінен айтылады. Тұңғыш триллионер кім болады? Қызмет көрсету саласын зерттейтін Comparisun компаниясының дерегіне қарағанда, адамзат тарихындағы тұңғыш триллионер Amazon компаниясының иесі Джефф Безос болуы мүмкін. 2026 жылы Джефф Безос 62 жасқа толады. Міне, ол 62 жасында тұңғыш триллионер атануы мүмкін. Оған себеп жаһандық пандемиядан кейін онлайн сатып алудың еселеп артқаны. Сәуір айының соңында бір күнде ғана Джефф Безос байлығын 12 млрд долларға арттырғанын ескерсек, триллионерлер көшін дәл осы Безос бастайтынына еш күмән жоқ.

11.05.20 Nege Apta #11news video

09.05.20 Жеңілген елдің бүгінгі бейнесі (фоторепортаж)

Немістер Кеңес әскерлерінің Рейхстагты алуға неге соншалықты зор мән-мағына бергенін түсінбейді. Олардың ойынша, Рейхстаг – Гитлердің кеңсесі емес, халық өкілдері бас қосып, кеңесетін ғимарат. Фашизм дегенді де түсінбейді. Фашизм Италияда болған деп қысқа қайырады.

04.05.20 Еуроодақ басшылары журналистер қауымын құттықтады

 Еуроодақ басшылары журналистер қауымын Дүниежүзілік баспасөз бостандығы күнімен құттықтады, деп хабарлайды «Хабар 24». 

02.05.20 Ауасы тазарған Алматы (фоторепортаж)

Бүкіләлемдік ластану индексі бойынша Алматы көш бастап тұрған қалалардың қатарына енеді.

01.05.20 NEGE APTA | #10 ШОЛУnews video

1. Құдай мен мұнай. Қара алтынсыз болашаққа дайынбыз ба? Қазір нашақор есірткіге қалай тәуелді болса, еліміз де брент бағасына солай тәуелді екенін бес жасар балаға дейін біліп алды. Экономистер «мұнай инесі» деп атаған құбылысқа еліміз соңғы 20 жыл бойы шырмалып, одан құтылудың амалын таппай келген еді. Енді коронавирус бізге тамаша мүмкіндік беріп отыр. Алдымен мұнай бір күнде жоқ болып кетсе, өміріміз қалай өзгереді деген қарапайым сұраққа жауап іздедік. Экономист Олжас Тілеуов оны есептеудің еш қиындығы жоқ дейді. Мұнай саласынан түсетін табыс біздің жалпы кірісіміздің тең жартысына пара-пар. Демек, мұнайсыз жағдайымыз тура екі есеге нашарлайды. Тілшіміз Қазақстанның қара алтынсыз болашағын болжап, сараптап көрген еді оны «Құдай мен мұнай» мақаласынан оқуға болады. 2. Қауіпсіздігіміздің кілті Кремльдің қолында Кремль ТМД елдері қарулы күштерінің бірлескен байланыс жүйесін құрмақ. Әрине, оның орталығы Мәскеуде орналасады. Қазақ билігінің осы келісімге қосылу ниеті бар. Алайда оған әлі қол қойылмаған. Әзірге бұл – әзірлік үстіндегі жоба. Келісім мәтініне қарағанда, ТМД елдері қарулы күштерінің бірлескен байланыс жүйесі Ресей Федерациясы Қарулы күштерінің Бас штабының қолында. Соның бір бөлімі үйлестіріп, басқарып отырады. Үкімет осы қаулының жобасын 13 мамырға дейін қоғамдық талқылауға салуға уәде беріп отыр. Айта кетерлік жайт, келісім жобасын Ресей Қарулы күштерінің Бас штабы әзірлеген. Nege.kz жазған «Қауіпсіздігіміздің кілті Кремльдің қолында» атты сараптамадан кеңірек мәлімет ала аласыздар. 3. Әсіредіншілдер 100 келі алтынды не істемек болды? Сәрсенбіде «Әсіредіншілдер 100 келі алтынды не істемек болды?» деген қызық бір материал жарияланды. Бұл оқиғаның сюжеті голливудтық вестернді немесе тайга мен алтын іздеушілер туралы ресейлік арзанқол сериалды еске түсіреді. Қылмыскерлер дәп бір кинодағыдай алтын өндіруші компанияны тонамақшы болады. Бұл қылмыс 2009 жылы Степногорскі – Ақкөл тас жолының бойында болған. Сол маңда тұратын төрт жігіт шабуылға мұқият дайындалады. Бүкіл жаз бойы және қыркүйек айында инкассатор көліктерінің соңында жүріп, күзетшілердің әрекетін зерттейді. Шабуыл жасалардан бірнеше күн бұрын күзетшілердің бірінің үйіне келіп, «егер айтқанымызды істемесең, бүкіл отбасыңды қырып саламыз» деп қорқытады. Осылайша инкассатордан алтын таситын көліктердің бағытын, шығатын уақытын біліп алған. Есі шыға қорыққан күзетші 100 келі таза алтынды қай күні қандай көлікпен алып шығатынын айтып қояды. Әрмен қарай қызық болса «Мінбер» айдарынан оқи аласыздар. 4. Өзбекстанда онлайн емхана ашылды Коронавирус келгелі «онлайнға» жан кірді. Бұған дейін сауда-саттық пен білім, енді денсаулық жүйесі де оның шарапатын сезіне бастады. Оңтүстіктегі көршіміз Өзбек елі «Дәрігерден сұра» деп аталатын жобаны қолға алды. Науқас интернет-порталға тіркеліп, керек маманды таңдайды. Дертке дауа іздегендер дәрігермен чат, аудио және бейнебайланыс арқылы кері байланыс орнатады. Бір айта кетерлігі, бұл жерде медицина қызметкерлері науқасты онлайн емдемейді. Тек олардың жағдайын жақсарту үшін ақыл-кеңес қана береді. Дәрігер Шерзод Рузиев: «Үйде былай емделіңдер, мынадай дәрі егіңдер деп ақыл айтып отырғанымыз жоқ. Біз әр науқаспен сөйлесіп, оның қандай аурумен ауырғанын сұрап, белгілерін анықтауға тырысамыз. Сөйтіп сырқаттың өршіп кетпеуі үшін кеңес береміз» депті БАҚ берген сұқбатында. Төтенше жағдай режимінде, тіпті одан кейін ауруханаға келіп-кетуі қиын науқастар үшін таптырмас жоба дейді мамандар. 5. Коронавируспен қытайша күрес Ұлтжанды ақсақал Кенесары Қаптағаев мынадай жағдайға куә болыпты. Полиция қызметкерлері жем сатып отырған адамдарға қырғидай тиген. Бас-басына 50 мың теңгеден айыппұл салған. Осы жайында ақсақалдың өзі «Бұл не масқара? Жем де өндіріске жатады емес пе? Жемсіз қалса, ауыл адамдарының асырап отырған малы, тауық, үндігі не жейді? Қорасындағы азын-аулақ малы аштан қырылса, халық қыста қалай күн көреді?», – деп наразылық білдірді. Рас, бес саусақ бірдей емес. Шаш ал десе, бас алып жатқан осындай құқық қорғау қызметкерлері де бар. Есігінің алдында отырған адамдарды бас салып сүйрелеп жүргендері, тіпті, дүкеннен нан алып келе жатқан азаматтың қолын қайырып, құдды бір терроршыны ұстағандай, жерге аунатып жатқан бейнеайғақтар желіде өріп жүр. «Коронавируспен қытайша күрес» деген тақырыпта тілшіміз салмақты сараптама жазды. Оқып көріңіз. Енді бір апта шыдасақ, карантин де аяқталады. Осы ретте Nege.kz сайтының ең қызықты, салмақты һәм ойлы жазбаларын бас тақырып айдарынан оқуға болатынын айтпақпын. Келер аптаға дейін аман болыңыз, Құдайберген Арманымыз орындалсын!

26.04.20 Карантин кезінде қамалғандар | #9 ШОЛУnews video

Карантин кезінде бірқатар қоғам белсенділері мен журналистер бірінен соң бірі қамауға алынып жатыр