АҚШ-та бір тәулікте 1,2 мың адам көз жұмған

02 сәуір, 10:09

Фото: korrespondent.net

Америкада соңғы бір тәулік ішінде 1243 адам коронавирустан қайтыс болды. Бұл індет тарағалы бергі ең жоғары әрі сұмдық көрсеткіш.

Алматы, NEGE. Бұл мәлеметті Джон Хопкинс университетінің мамандары ел билігінің ресми ақпараты және ДДСҰ деректерінің негізінде жасап шықты, деп хабарлайды ТАСС-қа сілтеме жасаған Trend басылымы.

Ақпаратқа сәйкес, өткен тәулік ішінде COVID-19 дертінен 1243 адам қайтыс болған. Сәрсенбі күні кешке АҚШ-та жаңа коронавирусты жұқтырғандардың саны 215 417 адамға жетті. Қайтыс болғандар – 5116 адам.

Бұған дейін ең көп адам шығыны орын алған оқиға Италияда тіркелген еді. Бір тәулік ішінде (27 наурызда) бұл елде 969 адам көз жұмған болатын.

ҰҚСАС ЖАЗБАЛАР
Яндекс рекомендации