Жасөспірім қыздар арасында ерте жүктілік, жасанды түсік белең алды

22 сәуір, 15:20

Фото: crb-ozery.ru

Тек былтырдың өзінде 7000-ға жуық қыз бала жүкті болған. Оның мыңнна астамы түсік жасатыпты. Дүниежүзілік статистика бойынша, жасөспірімдер арасындағы жүктілік едәуір артқан және соңғы жылдары көбеймесе азаймай отыр. Бұл туралы Еуразия бірінші арнасы хабарлайды.

Алматы, NEGE.  Былтыр Қазақстанда 15 пен 19 жас аралығындағы 6724 қыз жүкті болған, оның ішінде 5639 қыз босанып, бөпесін бауырына басса, 1086 бойжеткеннің жүктілігі абортпен аяқталған.
«Жүктіліктің болуы босануы, түсік жасау көрсеткіштер 1000-ға шаққанда көрсетіледі. 2020 жылы 2019-ға қарағанда төмендеген анықталған. 1000 қыз балаға 2,5 мың болса, 2,2 төмендеген», – дейді ҚР ДСМ Ана денсаулығын сақтауц басқармасының жетекшісі Шәкизат Жақсымбетова.
Сандарға сүйенсек, жасөспірімдер арасындағы ерте жүктілік бойынша Маңғыстау, Жамбыл, Түркістан облыстары мен Атырау, Алматы өңірлері көш басында. Бұл соңғы дерек. Ең қиыны от басқан қаракөздер, үйінен қолдау таппағасын амалдың жоқтығынан «Аналар үйіне» баруға мәжбүр. Қазір республика бойынша 200 қыз бала осында өз бөбектерін тәрбиелеуде.

ҰҚСАС ЖАЗБАЛАР
Яндекс рекомендации