Елімізде бетперде қымбаттауы мүмкін

22 сәуір, 13:06

Фото: ғаламтордан

Қазақстанда мамыр айынан бастап медициналық маскаларға енгізілген шекті баға күшін жояды.

Алматы, NEGE. Денсаулық сақтау министрі, сауда және интеграция министрі және Бәсекелестікті қорғау және дамыту агенттігінің төрағасы бірлескен бұйрыққа қол қойды. Осылайша, "Кейбір бірлескен бұйрықтардың күші жойылды деп тану туралы" қаулыны бекітті.

Атап айтқанда, 2020 жылғы 15 қазандағы, 2020 жылғы 14 шілдедегі және 2020 жылғы 6 сәуірдегі бірлескен бұйрықтардың күші жойылды. Олар бір реттік үш қабатты медициналық маскалар үшін шекті бөлшек сауда бағаларын белгілеуді көздеген: тиісінше 60 теңге, 85 теңге және 60 теңге.

Бірлескен бұйрық 2021 жылғы 2 мамырдан бастап қолданысқа енгізіледі.

Еске сала кетейік, былтыр пандемия кезінде Қазақстанда медициналық маскалардың тапшылығы байқалып, кей жерлерде тауардың бағасы қымбаттады. Жағдайды тұрақтандыру үшін маскаларға шекті баға енгізуге мәжбүр болды.

ҰҚСАС ЖАЗБАЛАР
Яндекс рекомендации