Шетелден 37 500-ден астам қазақстандық келді

24 наурыз, 08:43

Фото: kapital.kz

Коронавирустың салдарынан бірқатар елдерге кіру-шығу ережелерінің шектелуіне байланысты Air Astana әуе компаниясы биыл 1-23 наурыз аралығында 37 500-ден астам қазақстандықты шетелден әкелді.

Алматы, NEGE. Наурыз айының соңына қарай әкелінген Қазақстан азаматтарының жалпы саны 40 мың адамға дейін өседі деп күтілуде. Air Astana қазақстандықтарды Отанына қайтару үшін жан-жақты көмектесіп жатыр.

22 наурыздан 14 сәуірге дейін Алматы мен Нұр-Сұлтан қалаларында карантинге және елдегі төтенше жағдайға байланысты рейстердің 95%-ы тоқтатылды (2863 орнына 140 рейс орындалады) және 22 наурыздан бастап барлық ішкі рейстер тоқтатылды. 29 наурызда халықаралық репатриациялық рейстер тоқтатылады. Ең өзекті халықаралық рейстердің кестесі airastana.com сайтында жарияланған.

22 наурыздан 14 сәуірге дейін төтенше жағдай кезінде әуе компаниясы ішкі транзиттік жолаушыларды тұрғылықты жеріне дейін жеткізе алмайды.

ҰҚСАС ЖАЗБАЛАР
Яндекс рекомендации