Шекарадан өтпек болған 4454 қордайлық қайта оралды
Қазір Қордай ауданында қоғамдық тәртіпті сақтау шаралары жүргізіліп жатыр, қатаң бақылауда. Осыдан болса керек елден шекара асып кетпек болғандар, қайта оралған.
Алматы, NEGE. Қордай ауданында орын алған жағдайға байланысты Сортөбе ауылында брифинг өтті. Онда ҚР Премьер-Министрінің орынбасары Бердібек Сапарбаев пен облыс әкімі Асқар Мырзахметов қақтығыс зардаптарын жою бойынша атқарылып жатқан жұмыстарды, соңғы мәліметтерді баяндап, БАҚ өкілдерінің сауалдарына жауап берді.
Б.Сапарбаев қазіргі таңда Қаракемер, Масаншы, Сортөбе, Қарасу, Ауқатты ауылдарының барлық кіріс-шығыстарына блог-постар қойылып, көшелерде қоғамдық тәртіпті сақтау жұмыстары жүргізіліп жатқандығын жеткізді.
«Соңғы тәулік ішінде Қордай, Қарасу, Ауқатты, Сортөбе шекара бақылап-өткізу бекеттерінен 4454 адам ҚР аумағына қайт оралды», – деді ҚР Премьер-Министрінің орынбасары Бердібек Сапарбаев.