«Қара касса» ойыны – алаяқтық әрекет

18 ақпан, 13:35

Фото: tengrinews.kz

Прокуратура «Қазандық» немесе «Қара касса» ойынын алаяқтық әрекет деп бағалады. Бұл туралы мәлімет ҚР Бас прокуратурасының ресми сайтында хабарланды.

Алматы, NEGE. Сайттағы мәліметтерге қарағанда, соңғы уақытта әлеуметтік желілер мен месенджерлерде «Қазандық» немесе «Қара касса» ойынына шақырту тарап жатыр. Смс-хабарламадан белгілі болғанындай, ойынның мәні белгілі бір ақша сомасын енгізу және басқа адамдарды өзімен бірге әкелу болып табылады. «Демек, ақша тұрақты түрде жаңа қатысушыларды тарту есебінен ғана түседі. Қатысушы қаражат жинап, өзімен бірге адамдарды тартады, ал пирамида өсе береді. Мүмкін, жоғары тұрғандар шынымен табыс табатын шығар.

Ал пирамиданың төменгі жағы ештеңе алмайды, олар тек пирамиданың жоғары сатысында тұрғандарға өз ақшасын сеніп тапсырды. Осылайша, осы схеманы ұйымдастырушылардың іс-әрекетінде «қаржылық пирамиданың «белгілері – табыс алудың алаяқтық схемасы көрінеді», –  делінген хабарламада. Бас прокуратураның мәліметтеріне қарағанда, біріншіден, жоғары табыстылық, жылдам байыту, жылдам пайда алу уәделері нарық заңдарына сай емес.

Екіншіден, ұйымдастырушыларда арнайы лицензиялар жоқ, ал қаржы нарықтарындағы қызмет міндетті мемлекеттік лицензиялауға жатады. Үшіншіден, нақты инвестициялық қызмет болмағанына қарамастан агрессивті ол жарнама. Осыған байланысты, Нұр-Сұлтан қаласының прокуратурасы заңсыз табыс табу бойынша қызмет жасаушылар мен олардың басшыларына қатысты ҚК-нің 217-бабы (қаржылық (инвестициялық) пирамиданы құру және басқару) бойынша қылмыстық жауапқа тартылатынын еске салады. Прокуратура органдары елорда тұрғындарына заң тұрғысынан күмәнді жолмен табыс табудан бас тартуды ұсынады.

ҰҚСАС ЖАЗБАЛАР
Яндекс рекомендации