Halyk Bank кеңесшісі коронавирус жұқтырған

15 наурыз, 23:26

Фото: informburo.kz

Halyk Bank ғимаратында жұмыс істеген консультант коронавирус жұқтырған, - деп хабарлайды банктің PR-қызметі. 

Алматы, NEGE. "Банк ғимараттарының бірінде кеңес беру қызметімен айналысқан сыртқы ұйымның қызметкері COVID-19 коронавирусын жұқтырғанынан хабардар етуді жөн көрдік", - делінген Halyk Bank хабарламасында.

"Денсаулық сақтау министрлігінің әрекет ету алгоритміне сәйкес ауру, сондай-ақ онымен байланыста болған барлық қызметкер қазіргі уақытта оқшауланып, карантинде", - деп толықтырды банк.

"Банк клиенттер мен қызметкерлер денсаулығының барынша қауіпсіздігін қамтамасыз етуге бағытталған бұрын-соңды болмаған шараларды қолға алды. Кеңселік үй-жайлар мен бөлімшелерді үнемі санитарлық өңдеу жүргізіледі. Банк бөлімшелері мен банкоматтар әдеттегі тәртіпте жұмыс істейді, барлық операция клиенттерге қолжетімді", - деп атап өтті Halyk Bank өкілдері.

Қазіргі уақытта Қазақстанда коронавирус жұқтырған 9 адам тіркелген: 2-еуі Нұр-Сұлтанда, 7-еуі Алматыда.

ҰҚСАС ЖАЗБАЛАР
Яндекс рекомендации