Дүкендер 20 күнге жабылады деп жүрген кім?

14 наурыз, 15:46

Фото: instagram.com

Түркістан облысында азық-түлік дүкендерінің 20 күнге жабылатыны туралы жалған хабарлама тартқан тұрғын ұсталды. Әлеуметтік желілер мен мессенджерлердегі бейнежазбада ол тіпті жергілікті тұрғындардың азық-түлікке байланысты таласып жатқандығын айтқан. 

Алматы, NEGE. Облыстық ПД баспасөз қызметінің мәліметінше, бұл жайт Арыс қаласында тіркелген. Полицейлердің жедел-іздестіру шараларының нәтижесінде жалған ақпараттың авторы мен бейнежазба таратушысының жеке басы анықталған.

Ол Шымкент қаласының тұрғыны болып шықты.

«Ер адамның Арыс қаласына қызмет барысында келгені анықталды. Қазіргі уақытта аталған жайт бойынша істің барлық мән-жайы анықталуда», – делінген хабарламада.

Полиция бөлімшесіне жеткізілген соң, ұсталған азамат өз еркімен бейнежазба арқылы Қазақстан азаматтары мен Арыс қаласының тұрғындарынан кешірім сұрады.

ҰҚСАС ЖАЗБАЛАР
Яндекс рекомендации