Алматы облысы құқық бұзушылармен күресті күшейтті

18 ақпан, 18:21

Фото: facebook.com

Алматы облысының полицейлері жыл басынан бері тіркелген құқық бұзушылықтарға талдау жасап, жиі кездесетін ұсақ құқық бұзушылықтардың тізімін жасады.

Алматы, NEGE. «Мүлдем төзбеушілік» қағидаты аясында ағымдағы жылдың бір жарым айында 38 мың 409 әкімшілік құқық бұзушылық жасалған. Тәртіп бұзған тұлғаларға тиісті хаттамалар толтырылып, салынған әкімшілік айыппұлдың жалпы сомасы 190 миллион 935 мың теңгені құрады», – деп мәлімдеді Алматы облысы ПД баспасөз қызметі.

Облыстық полицейлер таратқан ақпаратқа сәйкес, жол ережелерін сақтамау жиі тіркеледі.

Оның ішінде, жаяу жүргiншiлердiң жолды белгіленбеген жерден қиып өтуінің 1900 жуық, көлік руліндегі жүргізушінің телефонды пайдалануының – 678, жылдамдық тәртібін сақтамаудың 3 мыңнан астам дерегі тіркелген. Олардың арасында қауіпсіздік белдігін тақпаған немесе жаяу жүргіншіге жол бермеген көлік иелері де бар.

ҰҚСАС ЖАЗБАЛАР
Яндекс рекомендации