Аймағамбетов: 802 мыңға жуық компьютер сатып аламыз
Орталық коммуникациялар қызметінде Білім және ғылым министрі Асхат Аймағамбетов 6 сәуірден бастап кірісетін қашықтан оқыту жөнінде соңғы дайындық жұмыстарын пысықтады.
Алматы, NEGE. Министрдің айтуынша, интернеті, компьютері жоқ ауылдар бар. "Біз кейбір отбасына мектеп балансындағы компьютерді таратып береміз. Бәрібір жеткіліксіз. Қосымша компьютер сатып алу бойынша жұмыс жүргізіледі. Қазір 802 мыңға жуық компьютер сатып аламыз. Оның ішінде планшет, айпад бар" деді.
Министрдің айтуынша, ертең арнайы сынама сабақ жүргізіледі. "Балалардың интернет платформаларға қосылуын қадағалайды. Бейсенбі ата-аналар жиналысы болады. 3 сәуір күні тиісті сынып сағаттары жүргізіледі. Осылайша, 6 сәуірге толығымен дайын болуы керек" деді Білім және ғылым министрі А.Аймағамбетов.