400 мыңға бал ашқан «көріпкел» елден қуылды

28 ақпан, 11:37

Фото: polisia.kz

Солтүстік Қазақстан облысында ресейлік алаяқ-көріпкел тұрғындардың сеніміне кіріп, ақшасын жымқырды, деп хабарлайды Polisia.kz.

Алматы, NEGE. Айыртау ауданының полиция бөлімінің қызметкерлері Мамлют ауданындағы әріптестерімен бірлесіп 81 жастағы ауыл тұрғынының алдануына қатысты алаяқтықты анықтады.

Қылмыс ауылдық жерлерде жиі кездесетін жоспар бойынша жасалды. Бейтаныс әйел ауыл тұрғындарының үйіне барып, көріпкел ретінде өзін таныстырып, 400 мың теңге көлемінде ақшаны алдап алған.

Аталған факті ҚР Қылмыстық Кодексінің 190-бабы «Алаяқтық» бойынша сотқа дейінгі тергеу тізіміне енгізілді.

Жедел уәкілдер күдіктінің қозғалыс бағытын қадағалап, жұмыс жүргізді, деп хабарлайды Айыртау ПБ бастығының орынбасары Григорий Лукьяненко.

— Оның ауданнан кеткені анықталды. Облыс бойынша азаматшаны іздеу бойынша бағдар берілді. Көріпкел әйел Мамлют ауданында ұсталды. Күдікті 1983 жылы туған Ресей Федерациясының азаматшасы болып шықты. Ол өз кінәсін мойындап, шығынды өтеп, зейнеткерден кешірім беруін өтінген.

Тергеу барысында шетелдік азаматшаның әр үйге кіріп, тұрғындарға әртүрлі сылтаулар айтқаны анықталды. Біріне өзін «көріпкелмін» деп таныстырып, біріне әртүрлі ұсыныстар айтып, алдаған.

Көші-қон қызметі оның әрекетін ҚР Әкімшілік құқық бұзушылық туралы кодексінің 449-бабы бойынша «Қоғамдық орындарда тиісу» деп бағалады.

Осы баптың 3-бөлігі шетелдік не азаматтығы жоқ адам жасаған әрекеттер – бес айлық есептік көрсеткіш мөлшерінде айыппұл салуға не бес тәулікке дейінгі мерзімге әкімшілік қамаққа алуға не Қазақстан Республикасының шегінен әкімшілік жолмен шығарып жіберуге негізделеді.

Қазіргі таңда көріпкелді ҚР-нан шығарып жіберу туралы үкім шығарылды.

ҰҚСАС ЖАЗБАЛАР
Яндекс рекомендации