17 тамыздан кейін де жабық болатын нысан қызметкерлеріне 42500 теңге беріле ме?

14 тамыз, 14:45

Фото: ғаламтордан

17 тамыздан кейін қызметіне рұқсат берілмейтін нысан қызметкерлеріне өтеамқы төлеу ұсынысы енгізіледі. Бұл туралы бүгін Орталық коммуникациялар қызметінде өткен онлайн-брифингте «Атамекен» Ұлттық кәсіпкерлер палатасы басқарма төрағасының бірінші орынбасары Элдар Жұмағазиев айтты.

Алматы, NEGE. Брифингіде: «17 тамыздан бастап жұмысын бастамайтын кәсіркерлерге 42 500 теңгеден төлене ме?», - деген сұрақ қойылды.

«Жұмыстарын бастауға рұқсат берілмеген қызмет түрлері де бар.Оларға қатысты ұсыныстарымызды дайындап жатырмыз. Мысалы, сапаржайда 74 адам жұмыссыз отыруға мәжбүр. Бұл, бюджет мүмкіндігіне қатысты сұрақ деуге болады. Пандемия кезінде біз өтемақы төлеу туралы бастама көтердік. Бірінші айда өтемақы төленді, одан кейін карантин уақыты тағы созылды. Енді, осы мәселеге қатысты ҚР Экономика министрлігімен бірігіп ұсыныс әзірлейміз», - деді Элдар Жұмағазиев. Оның айтуынша, 17 тамыздан кейін қызметіне шектеу қойылған бизнес нысандарының қатары азаяды.

«Сауда орталықтары мен үлкен базарларға қатысты тәуекел көп. Ол жерде сақтық шаралары қалай сақталады, оны қалай реттеу керек - бұл жағы үлкен сұрақ. Жұмысы тоқтап тұрған кәсіпкерлерге өтемақы берілуін қолдаймыз. Қазіргі уақытта салық төлеуді, несие төлеуді шегеруге қатысты сұрақтарды қарастырып жатырмыз», - деді ол.

ҰҚСАС ЖАЗБАЛАР
Яндекс рекомендации